對於一般喜歡飲普洱生茶，但又唔想太花費既朋友黎講，我會推介呢款，市面上一塊十幾年既茶餅，講下都三，四千，呢款蒼洱沱茶，如果買2005年版，只係四百左右，有250克，日日豪飲都可以飲足成個月。

由於有返咁上下茶齡，呢款茶葉味道已經有一定底氣，青味走左部分，換黎小小純味，以往D人喜歡用餅茶藏茶炒賣，加上餅茶發酵時間相對快小小，變化比較大，所以有唔少人青睞，但茶主要係買黎飲既，下關茶廠出沱茶，質素點都有一定保證。附庸風雅，還真的不如手中一杯茶！