喜歡飲普洱茶既朋友對於班章、冰島、麻黑，刮風寨呢類名稱唔會陌生，其實呢D係生產普洱茶既村寨名，當然，唔清楚既會以為係歐洲既冰島。

以往我地會以為普洱新茶好難飲，因為太過草青味，但而家呢批技術改良左之後，入口比以前容易左好多，就以呢款冰島.甜為例，飲落會發現茶湯的確係甜底，所以要强調佢既特色，佢仲有小小相類於鐵觀音有種回甘既特色，比較容易令人接受。當然，浸泡既時間不宜過長。